Գարուն է արդեն
Ձմեռը անցավ, գարուն է արդեն,
Պես-պես գույներով ծաղիկ է բուսնել,
Սարեր ու դաշտեր գույնզգույն հագած՝
Բնության գրկում զարդեր են դարձել:
Սոխակն է երգում կանաչ պարտեզում.
Ձայնով անուշիկ վարդերին գովում,
Բյուր թռչունները ուրախ ծլվլում,
Գեղանի գարնան գալն են ողջունում:
Ու այս գեղանուշ գարնան օրերում,
Կենդանությունն է ամենուր եռում,
Մարդ, ծառ ու ծաղիկ, թռչուն, անասուն
Բոլորը ուրախ գարուն են շնչում:
Հայաստանում էլ գարուն է հիմա,
Ուրախ, ծաղկաշատ ու անուշ գարուն։
Այնտեղ էլ հիմա ծաղկել են, փթթել
Անտառ ու այգի՝ ծաղկունքով սիրուն:
Ծաղկի՛ր մեզ համար դու հավերժորեն
Հայրենի դաշտեր, հույսեր լիության,
Հայրենիք անու’շ, շեն տուն հայության,
Գարունքով դարձի’ր ծաղկա՛ծ բուրաստան:
Response
-
❤️❤️❤️
Թողնել պատասխան